Astanada qazaq kúresinen «Dala qyrandary» respýblıkalyq týrnıri ótedi

17 jeltoqsan kúni Astana qalasyndaǵy Jaqsylyq Úshkempirov atyndaǵy Jekpe-jek saraıynda qazaq kúresinen «Dala qyrandary» respýblıkalyq týrnıri ótedi, dep habarlaıdy Kazinform. 

Respýblıkalyq «Qazaq kúresi» federatsııasy habarlaǵandaı, dál osy týrnırde jyl boıy ótken 5 reıtıngtik jarysta joǵary upaı jınaǵan 64 balýan 8 salmaqta synǵa túsip, ózara myqtyny anyqtaıdy.

Olardyń qatarynda Bekjan Tólepov, Marat Nıgmatýllaev, Beket Júnis, Erjan Erenqaıypov jáne Jumajan Qojambekov syndy álem jáne Azııa chempıonattarynyń, álem kýboginiń, Dúnıejúzilik Kóshpendiler oıyndarynyń jeńimpaz-júldegerleri bar.

Jeńimpaz atanǵan balýandar «Dala qyrany» tıtýlyna ıe bolady. Sondaı-aq óz salmaǵynyń úzdikterine qomaqty qarjylaı syıaqy tabystalady.

Ulttyq kúresimizden ótetin balýandar básekesi 17 jeltoqsan Astana qalasyndaǵy Jaqsylyq Úshkempirov atyndaǵy Jekpe-jek saraıynda saǵat 12:00 de bastalady.