Astanada qazaq kúresinen álem chempıonaty ótedi
ASTANA. QazAqparat - 2016 jyldyń kúzinde Astanada qazaq kúresinen álem chempıonaty ótedi. Bul týraly búgin qazaq kúresi boıynsha «Qazaqstan barysy-2016» respýblıkalyq týrnırynyń fınalyna arnalǵan baspasóz máslıhatyna qatysqan QR Energetıka mınıstri, qazaq kúresi federatsııasynyń qurmetti prezıdenti Qanat Bozymbaev málim etti.
«Qazaqstan Respýblıkasy Táýelsizdiginiń 25 jyldyǵyna oraı bıyl qazan-qarasha aılarynda Astana qalasynda qazaq kúresinen álem chempıonatyn uıymdastyramyz. Kelesi jyly, «EKSPO-2017» kórmesiniń qarsańynda «Álem barysy» ótedi»,-dep habarlady Q.Bozymbaev.
Aıta keteıik, 3 shilde kúni Astanada «Qazaqstan barysy-2016» týrnıriniń fınaly bolady.
«Qazaqstan barysy» respýblıkalyq jarysynyń bıylǵy jeńimpazy 25 mln teńge, jeńil avtokólik pen Astanadan páter ıelenedi.
Uıymdastyrýshylardyń habarlaýynsha, kórermenderdiń bıleti boıynsha da avtokólik oınatylady. Balýandar jarysyn ««KazSport»» arnasy, Túrkııanyń «TRT Avaz» arnasy men Reseıdiń «Match!Boets» arnasy tikeleı efırden kórsetpek.
