Astanada qazaq kúresinen álem chempıonaty bastaldy

ASTANA. QazAqparat - Búgin Astana qalasyndaǵy Jaqsylyq Úshkempirov atyndaǵy Jekpe-jek saraıynda qazaq kúresinen Álem chempıonaty bastaldy. Úsh kúnge sozylatyn dúbirli dodaǵa álemniń 40-qa jýyq memleketinen 350 balýan qatysyp jatyr, dep habarlaıdy QazAqparat.

Bul birinshilik - 3 jas mólsherin qamtyǵan alǵashqy báseke (eresekter, jastar jáne jasóspirimder). Jarys baǵdarlamasyna sáıkes jasóspirimder men jastar, árqaısysy 5 salmaq dárejesinde kil myqtyny anyqtaıdy. Al eresekter 12 salmaq dárejesinde (erler 8, áıelder 4) beldesýde.

Ulttyq quramanyń ókilderi, «Dala qyrany» tıtýlynyń ıegerleri álemdik jarysta el namysyn qorǵap jatyr. Olar – Bekjan Tólepov (55 kg.), Marat Nıgmatýllaev (60 kg.), Nur Amanshúkirov (66 kg.), Jumajan Qojambekov (74 kg.), Aıdyn Dartaev (82 kg.), Toqtarbek Aıdarbek (90 kg.), Muhıt Tursynov (100 kg.) jáne Nurdáýlet Jarylǵapov (+100 kg.).

Qazaq kuresi qaýymdastyǵy alǵashqy kúnniń nátıjelerin jarııalady. Búgin chempıonatta eresek sportshylar bozkilemge shyqqan. Atap aıtqanda, erler 82, 90, 100 jáne +100 keli salmaqta kúsh synasty. Al áıelder 75 jáne +75 keli salmaqta myqtyny anyqtady.

82 kg

І oryn – Aıdyn Dartaev (Qazaqstan)

ІІ oryn – Ýmıd Esanov (Ózbekstan)

ІІІ oryn – Amır Sheıh Hoseını (Nıderland)

ІІІ oryn – Hamroz Rajabov (Tájikstan)

90 kg

І oryn – Tomas Stepanıak (Polsha)

ІІ oryn – Jamalbek Asylbekýýly (Qyrǵyz)

ІІІ oryn – Toqtarbek Aıdarbek (Qazaqstan)

ІІІ oryn – Ivan Kozov (Moldava)

100 kg

І oryn – Marat Baıkamýrov (Qazaqstan)

ІІ oryn – Bahrıddın Abdýraıymov (Ózbekstan)

ІІІ oryn – Alekseı Lýsenko (Polsha)

ІІІ oryn – Davaabat Tsogtbaatar (Monǵolııa)

+100 kg

І oryn – Nurdáýlet Jarylqapov (Qazaqstan)

ІІ oryn – Bekbolat Toqtoǵonov (Qyrǵyz)

ІІІ oryn – Georgıı Shagelıshvılı (Grýzııa)

ІІІ oryn – Mýhsın Hısomıddınov (Ózbekstan)

Qyzdar arasyndaǵy básekeniń nátıjesi tómendegideı:

75 kg

І oryn – Battsetseg Tsog-Oshır (Monǵolııa)

ІІ oryn – Deborah Vos Kaılı (Nıderland)

ІІІ oryn – Fılýra Ergashova (Ózbekstan)

ІІІ oryn – Sahbaz Senanýr (Túrkııa)

+75 kg

І oryn – Nagıra Sarbashova (Qyrǵyz)

ІІ oryn – Kebadze Elene (Grýzııa)

ІІІ oryn – Rahıma ıÝldoshova (Ózbekstan)

ІІІ oryn – Móldir Azamat (Qazaqstan)

Aıta keteıik, elimizdegi qazaq kúresinen úsh federatsııanyń basyn biriktirip, ulttyq kúresimizdi el ishinde jáne sheteldik arenada nasıhattap júrgen Qazaq kuresi qaýymdastyǵy bıyl Birikken kúres áleminiń (UWW) quramyna kirgen bolatyn. Aldaǵy ýaqytta barlyq halyqaralyq jarystar UWW-men birlesip ótkiziledi.

Qazaq kúresinen Álem chempıonatyn Insport telearnasynan áleýmettik jelidegi paraqshasynan tikeleı efırde kórýge bolady.

Foto: www.instagram.com/qazaqkuresi.kz