Astanada Qazaq kóz aýrýlary ǵylymı-zertteý ınstıtýtynyń fılıaly ashylady
ASTANA. Shildeniń 14-i. QazAqparat - Astanada erteń, shildeniń 15-inde Respýblıkalyq jedel medıtsınalyq kómek ǵylymı ortalyǵynyń bazasynda Qazaq kóz aýrýlary ǵylymı-zertteý ınstıýtynyń fılıaly ashylady. Bul týraly Ulttyq medıtsına holdınginiń baspasóz qyzmeti habarlady.
Respýblıkada kóz aýrýlarynan múgedektikke ushyraǵan 20 myńnan astam adam turady. Ásirese balalar men jasóspirimderdiń arasynda kóz aýrýlary ulǵaıyp kele jatqany alańdaýshylyq týǵyzady. Eresekter arasynda soqyrlyqqa aparyp soqtyratyn glaýkoma syrqaty órship otyr. Sońǵy 10 jylda ol 25 paıyzǵa ósti. Glaýkoma boıynsha múgedektik 3,7 esege artyp, besinshi orynnan ekinshi orynǵa kóterildi. Árbir besinshi múgedek eńbek jasyndaǵy jandar.
Jedel medıtsınalyq kómek ortalyǵy bazasynda jańa kereýetter ornalastyrý basty maqsattardyń birine - halyqqa joǵary kásibı oftalmologııalyq kómek kórsetýdiń qol jetimdi bolýyna múmkindik beredi. Fılıaldyń ashylý baǵdarlamasynda oftalmologııalyq mıkrohırýrgııalyq operatsııany tikeleı efırde kórsetý, Qazaq oftalmologtar qoǵamynyń otyrysyn ótkizý, aýrýlarǵa keńes berý kózdelgen.
