Astanada Qazaq handyǵynyń 550 jyldyǵyna arnalǵan tarıhı-tanymdyq kesh ótti (FOTO)
ASTANA. QazAqparat - «Astana» ulttyq kórkem sýret galereıasynda Astana qalalyq tilderdi damytý basqarmasynyń uıymdastyrýymen Qazaq handyǵynyń 550 jyldyǵyna arnalǵan tarıhı-tanymdyq kesh ótti.
«Sharanyń maqsaty - Memleket basshysynyń Qazaq handyǵynyń 550 jyldyǵyn toılaý kerek degen bastamasyn qoldaý, jastardyń boıyndaǵy patrıottyq sezimdi kúsheıtý, táýelsizdik qundylyqtaryn nasıhattaý, memlekettik tildiń qoldanylý aıasyn keńeıtý», - dep atap ótti Astana qalalyq tilderdi damytý basqarmasynyń basshysy Erbol Tileshev.
Keshte Muhammed Rashıdıdiń «Tarıhı Rashıdı» eńbeginiń negizinde sahnalanǵan qoıylym kórsetildi. Oǵan Q. Qýanyshbaev atyndaǵy qazaq mýzykalyq drama teatrynyń ártisteri qatysyp, Qazaq handyǵynyń qurylý kezindegi mańyzdy oqıǵalardy kórermender nazaryna usyndy. Sondaı-aq Almas Almatov, Aıgúl Elshibaeva jáne basqa da dástúrli án óneriniń maıtalmandary óner kórsetti.
