Astanada Qazaq handyǵynyń 550 jyldyǵy «Qazaq Eli» monýmentiniń aldyndaǵy alańda ótedi

ASTANA. QazAqparat - Qazaq handyǵynyń 550 jyldyǵyn merekeleý aıasynda Astanada aýqymdy mádenı sharalar ótedi, dep habarlaıdy elorda ákiminiń resmı saıty.

Basty saltanatty shara «Qazaq Eli» monýmentiniń aldyndaǵy alańda ótedi.

11-13 qyrkúıek aralyǵynda «Qazaq Eli» monýmentiniń aldyndaǵy alańda úlken etnoaýyl ashylady. Qazaqstannyń barlyq óńirleriniń qatysýymen halyqtyq serýen uıymdastyrylady.

«Respýblıkamyzdyń árbir óńiri elorda turǵyndary men qonaqtarynyń nazaryna úzdik horeografııalyq ujymdardyń, etnografııalyq ansamblderdiń, halyq jáne estrada janrlary solısteriniń qatysýymen bir jarym saǵattyq mádenı baǵdarlama usynady», - dedi Astana qalasy Mádenıet basqarmasynyń basshysy Bolat Majaǵulov QR Prezıdenti janyndaǵy Ortalyq kommýnıkatsııalar qyzmetinde ótken brıfıngte sóılegen sózinde.

«Qazaq Eli» alańynda 50 kıiz úı tigiledi, eki úlken sahna, sporttyq alańdar, altybaqandar, taıqazandar jáne t.b. ornatylady. Etnoaýylda ulttyq sport túrlerinen, atap aıtqanda, qazaq kúresi, arqan tartý, toǵyz qumalaqtan jarystar ótedi. Merekelik sharalar baǵdarlamasyna sondaı-aq sándik-qoldanbaly ónerdiń kórme-jármeńkesi, halyq sheberleriniń sheberlik dáristeri, úzdik shyǵarmashylyq ujymdardyń kontsertteri, sonymen qatar, qazaqstandyq estrada juldyzdarynyń qatysýymen gala-kontsert engizildi.