Astanada qazaq ǵalymdarynyń zertteýlerin kommertsııalandyrýdyń joldary talqylandy
ASTANA. QazAqparat - Búgin Astanada ǵylymı zertteýlerdiń nátıjelerin kommertsııalandyrýdyń tıimdi júıesin qurý máseleleri talqylanǵan dóńgelek ústel ótti. QR BǴM Tehnologııalardy kommertsııalandyrý ortalyǵynyń uıymdastyrýymen ótken kezdesý barysynda Qazaqstannyń jáne shet elderdiń sarapshylary ǵylymı zertteýlerdi kommertsııalandyrýdyń tıimdi júıesin qurýǵa qatysty óz oılaryn bildirdi.
Mysaly, Amerıkanyń «CRDF Global» azamattyq zertteýler jáne damý qorynyń sarapshysy Oleg Lıanchenkonyń aıtýynsha, ol Reseı men Qazaqstanda ǵylymı jobalardy kommertsııalandyrý isin kóp zerttegen.
«Reseı men Qazaqstandaǵy jaǵdaı uqsas. Qazaqstan Respýblıkasynyń Bilim jáne ǵylym mınıstrligi ınnovatsııalyq ǵylymı jobalarǵa grant bóledi, bul tamasha múmkindik. Biraq, bir áttegen-aıy, keıde ǵalymdar sol múmkindikti durys paıdalana almaı jatady. Mysaly, zertteýshi qandaı da bir ǵylymı jańalyq ashyp, jańa ǵylymı qurylǵy oılap tabýy múmkin. Al, ony kommertsııalandyrý degenimiz - erteń sol ónimniń naryqta satylýyn oılaý. Ókinishke qaraı, qazir ádette, biraz ǵalymdar jańalyq ashýyn ashady, biraq, sol joba tolyq júzege asyp bitkende, satyla ma, ıaǵnı, kommertsııalyq paıda ákele me, joq pa, sony eseptemeıdi. Bul jerde ǵylymı jetekshige salyq júıesin, naryqtyń esep-qısabyn biletin myqty ǵylymı qyzmetkerler, bolmasa, doktoranttar men aspıranttar kómek kórsete alady. Meniń ǵylymı jetekshilerge aıtarym, jobanyń qarjylaı negizin qurǵan kezde, ǵylymı jańalyqty zertteý úshin qajetti is-saparlardy, ákimshilik jumystardy atqaratyn qyzmetkerlerdiń jalaqysyn túgendep kórsetý kerek. Sonda, bólingen grant óz nátıjesin beredi», - deıdi O.Dıachenko.
Al, QR BǴM janyndaǵy «Tehnologııalardy kommertsııalandyrý ortalyǵy» JShS-nyń bas dırektory Damır Egizbaevtyń aıtýynsha, búgin mınıstrlikten grant alǵan ónertapqyshtan erteń ónimi naryqta satylǵan kezde qaıtarym retinde eshqandaı qarjy talap etilmeıtinin aıtty. ıAǵnı, ortalyqtyń maqsaty - ǵylymnyń jańalyǵyn kommertsııalandyrýǵa, erteń qarjylaı tabys tabýyna qoldaý kórsetti. Biraq, grant berip, joba kommertsııalyq paıda ákele bastaǵanda, granttyń qarjysyn keri qaıtarý mindetti emes ekenin, bul másele tipti qaralmaıtynyn erekshe atap ótti.
Aıta keteıik, Memleket basshysy Nursultan Nazarbaev birneshe kún buryn ǵana «Kommertsııalandyrý týraly» zańǵa qol qoıǵan bolatyn.
