Astanada qaıyrymdylyq jáshigin urlaǵan adam izdestirilip jatyr
ASTANA. QazAqparat - Astananyń tártip saqshylary qaıyrymdylyq kómek úshin qoıylǵan aqsha toly jáshikti urlap ketken er adamdy izdestirip jatyr, dep habarlaıdy «QazAqparat» HAA tilshisi.
Oqıǵa 27 jeltoqsan kúni saǵat 08.00-der shamasynda Jeńis dańǵyly boıyndaǵy «Dastarhan» ashanasynda bolǵan. Belgisiz er adam ǵımarattyń ishinde turǵan qaıyrymdylyq maqsattaǵy aqshany alyp iz sýytqan. Kúdiktiniń beınesi ǵımarattaǵy baqylaý kamerasyna túsip qaldy.
Qazir polıtseıler uryny izdestirý ústinde. Astana ІІD qyzmetkerleri beınekameraǵa túsken adamdy tanıtyndar bolsa Saryarqa aýdandyq ІІB-ine 8 (7172)71-66-36, 71-66-34, 71-66-10, uıaly. tel. 8-775-400-04-28 nómirlerine qońyraý shalýyn suraıdy.
