Astanada qaıyrymdylyq týraly halyqaralyq ǵylymı-tájirıbelik konferentsııa ótedi

ALMATY. 27 mamyr. QazAqparat - Astanada 31 mamyr kúni «Qazaqstandaǵy qaıyrymdylyq» dep atalatyn IV Halyqaralyq ǵylymı-tájirıbelik konferentsııa ótedi. Ony «Baýyrjan» qaıyrymdylyq qory úıymdastyryp otyr.

Qor prezıdenti Juldyz Omarbekovanyń aıtýynsha, áleýmettik máselelerdi bıznes-qurylymdardy tartpaı memleket óz kúshimen sheshe almaıdy. Alaıda eldegi áleýmettik jaǵdaıdy jaqsartýda barlyq kompanııa birdeı memleketke kómekke umtyla bermeıdi. Sondyqtan olardyń korporatıvtik-áleýmettik jaýapkershilik deńgeıin arttyrý kerek. Sol sebepti suhbat alańyna bıyl áleýmettik saıasat pen qaıyrymdylyq salasyndaǵy qazaqstandyq jáne sheteldik sarapshylar ózara pikir almaspaq. Oǵan qazirdiń ózinde 100-ge jýyq iri kompanııalardyń ókilderi ózderiniń qatysatyndaryn rastap otyr.