Elordada «Qaırat» U19 komandasy «Olımpıakos» jastaryn jeńdi

ALMATY. KAZINFORM — «Qaırat» fýtbol klýbynyń U-19 quramasy UEFA Jasóspirimder lıgasyndaǵy alǵashqy jeńisine qol jetkizdi.

«Astana arena» stadıonynda Grekııanyń «Olımpıakos» U-19 komandasyna qarsy ótken matchta almatylyq ujym 2:0 esebimen basym tústi. Oıynnyń 4-mınýtynda Ramazan Baǵdat gol salsa, 57-mınýtta Muhamedalı Ábish esepti eseledi.

Match jabyq rejımde ótti. Bul — «Qaırat» akademııasynyń jas oıynshylarynyń eýropalyq týrnırdegi alǵashqy jeńisi. Buǵan deıin «Kopengagen» klýbynyń U-19 komandasymen teń oınap, bir upaı enshilegen edi. Al «Real Madrıd», «Inter», «Sportıng», «Pafos» komandalaryna qarsy oıyndarda ese jiberdi.

Endi ÝEFA Chempıondar lıgasynyń toptyq kezeńi aıasynda «Qaırat» pen «Olımpıakos» klýbtarynyń negizgi komandalary «Astana arena» stadıonynda búgin saǵat 20:30–da kezdesý ótkizedi.

Eske salaıyq, elordada oıynǵa baılanysty stadıonǵa arnaıy shattl avtobýstar qatynaıdy.