Astanada Qaırat Nurtastyń qatysýymen ótetin kontsert keıinge aýysty
ASTANA. KAZINFORM – Ánshiniń qatysýymen ótetin mýzykalyq kesh 7 shilde kúni saǵat 19:30-da elordadaǵy Kongress Holda ótýi tıis edi.
«7 shilde kúni «Astana» kontsert zalynda ótedi dep josparlanǵan Qaırat Nurtas, Mıras Júginisov jáne Qazybek Quraıyshtyń kontserti basqa kúnge aýystyrylǵanyn habarlaımyz. Satyp alynǵan bıletterdi ticketon.kz saıty arqyly keri qaıtarýǵa bolady» delingen habarlamada.
Osy oraıda elorda ákimdigi atalǵan kontsertti jeke uıymdastyrýshylar ótkizgeli jatqanyn habarlady.
Aıta ketsek, búgin kóliktegi polıtsııa departamenti Qaırat Nurtastyń ústinen «Almaty-Astana» áýe reısinde usaq buzaqylyq jáne densaýlyqqa qasaqana jeńil zııan keltirý faktisi boıynsha ákimshilik is qozǵalǵanyn habarlaǵan edi.
Astana qalasynyń ákimshilik ister boıynsha mamandandyrylǵan soty tanymal ánshiniń isin onlaın qarady jáne sol jerde Qaırat Nurtas málimdeme jasady.
Sottyń qaýlysymen Qaırat Nurtas 15 táýlikke qamaýǵa alyndy.
Eske sala keteıik, ótken jyly Taldyqorǵanda ánshi Qaırat Nurtas otyrǵan kólik jol erejesin óreskel buzǵan bolatyn.
Sondaı-aq,1000 dollar avansty qaıtarmaǵany úshin atyraýlyq kásipker Qaırat Nurtasty sotqa bergen.
