Astanada Qaırat Nurǵazınniń «Úkili úmit» atty án keshi ótedi
ASTANA. QazAqparat - 28 mamyr kúni ánshi, kompozıtor, respýblıkalyq jáne halyqaralyq baıqaýlardyń laýreaty Qaırat Nurǵazın elordanyń ónersúıer qaýymyna «Úkili úmit» atty avtorlyq baǵdarlamasyn usynady.
Qasıetti Qostanaı óńirinde týyp-ósken Qaırat Nurǵazın jasynan án men jyrǵa jany jaqyn bolyp ósti. Babalardyń qanymen, anasynyń aq sútimen boıyna daryǵan óner ony bıik belesterge shyǵardy. El ishinde júrip, halyqqa keń taraǵan ánder jazdy. Qaırat ónersúıer qaýymǵa áıgili «Arman jyrym - arýlarym» ánimen jaqsy tanymal boldy.
1993 jyly «Úkili úmit» respýblıkalyq baıqaýynda jarqyrap kóringen talantty jan halyqtyń yqylasyna bólenip, «Kórermender kózaıymy» júldesine ıe boldy. Al 1995 jyly ótken «Úkili úmit» baıqaýynda bas júldeni jeńip aldy.
Qaırat kompozıtor ótken jyly Qostanaı qalasynan Astanaǵa kóship keldi. Elorda jurtshylyǵy aldynda kontsert berip, avtorlyq keshin ótkizý úshin úlken daıyndyqtar júrgizdi.
Mádenı sharaǵa tanymal ánshi-kompozıtorlar Marat Omarov, Qaırat Júnisov, Luqpan Joldasov, Elena Ábdihalyqova, Janat Temirova arnaıy shaqyrylyp otyr. Sondaı-aq belgili ánshiler Sáken Ǵalymov, Manarbek Baıtasov, Jadyra Arystanova qatysady.
Osy keshte Qaırat Nurǵazınniń shákirtteri de sahnaǵa shyǵady dep kútilýde.
Aıta keteıik, án keshi saǵat 18-00-de jáne 20-00-de «Talant» halyqaralyq óner ortalyǵynda ótedi.
