Astanada qaıyrymdylyq shyrshasy ótti
Astanada «Januıa» otbasy ınstıtýtyn qoldaý ortalyǵynda «Qosh keldiń, Jańa jyl!» atty qaıyrymdylyq shyrshasy ótti, dep habarlady Kazinform elorda ákimdiginiń resmı saıtyna silteme jasap.
Jańa jyldyq shyrshaǵa 30 otbasydan kelgen 60 bala qatysty. Olardyń qatarynda múgedektigi bar, múmkindigi shekteýli balalar bar.
Ortalyqtyń baspasóz qyzmetiniń ókili Baıan Jalmaǵanbetovanyń aıtýynsha, ómirlik qıyn jaǵdaıdan shyqqansha otbasylarǵa ortalyq járdemdesedi.
Jańa jyldyq merekeni uıymdastyrýǵa Konstıtýtsııalyq Sot, «DOS ortopedia» JShS jáne «Amer events» qarjylaı qoldaý kórsetken. Olarǵa balalarǵa táttiler men tsırkke bıletter daıyndaǵan. Bastysy erteńgilikke kelgen ár balaǵa uıymdastyrýshylar Jańa jyl merekesin sezindirýdi maqsat etken. Sondaı-aq is-sharanyń maqsaty – ár qatysýshyǵa kóterińki kóńil-kúı syılaý.
«Qurmetti, demeýshiler. Osyndaı is-sharany uıymdastyrýǵa úles qosqandaryńyz úshin ata-analar atynan alǵys bildiremin. Kele jatqan jańa jyl qutty bolsyn! Sizderge zor densaýlyq pen jumystaryńyzǵa tolaǵaı tabys tileımin!» – dedi erteńgilikke qatysqan balanyń ata-anasy.
Aıta keteıik, jyl sońyna deıin «Januıa» ortalyǵy taǵy da osyndaı birneshe jańa jyldyq erteńgilik uıymdastyrýdy josparlap otyr.
