Astanada qaı kósheler jóndeý jumysyna baılanysty jabyldy

ASTANA. KAZINFORM — Astanada aýa raıy jylynǵan kúnnen bastap jol-qurylys jumysy qyzý júrip jatyr. Osyǵan baılanysty kóshelerdiń keıbir ýchaskeleri jóndeý kezinde ishinara nemese tolyq jabyldy. 

Elordalyq Kólik jáne jol-kólik ınfraqurylymyn damytý basqarmasy jóndeý júrip jatqan jol ýchaskelerin kórsetti.

Tolyǵymen jabylǵan kósheler:

— 20 sáýirden 20 tamyzǵa deıin — Buqar Jyraý kóshesiniń Táýelsizdik dańǵylynan Q.Qaısenov kóshesine deıingi ýchaskesinde (Kvartalishilik joldarmen balamaly qozǵalys uıymdastyrylady); — 9 sáýirden 30 tamyzǵa deıin — Kúıshi Dına kóshesi Mıras mektebinen M.Jumabaev dańǵylyna deıin; — 29 sáýirden 30 tamyzǵa deıin — J.Moldaǵalıev kóshesi E-41 kóshesinen E-32 kóshesine deıin (Qozǵalys balama kósheler men kvartalishilik joldarmen uıymdastyrylǵan);

Іshinara jabylǵan kósheler:

— 11-18 mamyr aralyǵynda — Kúrshim kóshesi Bolashaq kóshesinen Jańaqonys kóshesine deıin (Kólik qozǵalysy eki baǵytta da taraptardyń biri boıynsha qamtamasyz etilgen);

— 11-17 mamyr aralyǵynda — Sh. Aıtmatov kóshesi J.Moldaǵalıev kóshesinen Uly Dala dańǵylyna deıin (kólik qozǵalysy eki baǵytta taraptardyń biri boıynsha qamtamasyz etilgen);

— 10-20 mamyr aralyǵynda — Arkar kópiri (M1) (kólik qozǵalysy eki baǵytta taraptardyń biri boıynsha qamtamasyz etilgen);

— 9-13 mamyr aralyǵynda — Abylaı han dańǵyly Manas kóshesinen B.Momyshuly dańǵylyna deıin (kólik qozǵalysy eki baǵytta taraptardyń biri boıynsha qamtamasyz etilgen);

— 9-19 mamyr aralyǵynda — M.Jumabaev dańǵyly B.Momyshuly dańǵylynan Balqantaý kóshesine deıin (kólik qozǵalysy eki baǵytta taraptardyń biri boıynsha qamtamasyz etilgen);

— 8-13 mamyr aralyǵynda — Alash tasjoly 191-kósheden 69-kóshege deıin (kólik qozǵalysy eki baǵytta taraptardyń biri boıynsha qamtamasyz etilgen);

— 5-15 mamyr aralyǵynda — Kenesary kóshesi Á.Sembınov kóshesinen E. Brýsılovskıı kóshesine deıin (kólik qozǵalysy eki baǵytta taraptardyń biri boıynsha qamtamasyz etilgen);

— 1 mamyrdan 1 tamyzǵa deıin — Sh. Beısekova kóshesi men N.Tilendıev dańǵylynyń qıylysyndaǵy kólik aıyrbasy (qozǵalys eki baǵytta da 6 jolaqty jolmen ýaqytsha uıymdastyrylǵan);

— 12-15 mamyr aralyǵynda — Faht ben Abdýl Azız jáne S.Qojahmetov kósheleri Sh. Beısekova kóshesinen K.Baıseıitova kóshesine deıingi ýchaskede.

— Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatyldy, — delingen Astana qalasy ákimdigi habarlamasynda.

Aıta ketelik Astana halqy jerasty sýyn da tutyna bastaıtyny týraly jazǵan edik.