Astanada qaýipti jarnamalar óshirilip jatyr

ASTANA. KAZINFORM – Elordanyń Almaty aýdanynda «Zań jáne tártip» aktsııasy aıasynda esirtki graffıtılerin anyqtaý jáne joıý boıynsha reıd júrgizildi. Bul týraly Astana qalasy ákimdigi  habarlady.

 Tyıym salynǵan zattardyń jarnamasymen kúresýge baǵyttalǵan aktsııany aýdan ákimdiginiń uıymdastyrýymen quqyq qorǵaý organdary jáne «Astana jastary» jastar resýrstyq ortalyǵynyń eriktileri qolǵa aldy. 

Sharanyń maqsaty – qaýipti jazýlardy joıý ǵana emes, jastar arasynda esirtkiniń taralýyna jol bermeý. Reıd barysynda qatysýshylar aýdan aýmaǵyndaǵy turǵyn úılerdiń, jataqhanalar men ǵımarattardyń qabyrǵalaryna ilingen jazýlar, syzbalar, QR kodtar jáne basqa da jarnama elementterin boıady.

Alańdatarlyq jaǵdaı, mundaı graffıtıdiń edáýir bóligi stýdentter turatyn oqý oryndary men jataqhanalardyń janynan tabyldy. Almaty aýdany ákimdiginiń ishki saıasat bóliminiń bas mamany Murat Maratovtyń aıtýynsha, jastardyń qaýipsizdigin qamtamasyz etý úshin mundaı sharalardyń mańyzy erekshe.

- Búgin biz qoǵamdyq oryndarda kórinis tapqan esirtki jarnamalaryn joıý boıynsha aýqymdy aktsııa júrgizdik. Mundaı jazýlar kóbinese ýnıversıtetter men stýdentter jataqhanalarynyń mańynda paıda bolyp jatyr. Al bul jastarǵa úlken qaýip tóndiredi. Tabylǵan graffıtılerdiń barlyǵyn boıap tastadyq. Qala turǵyndaryn saq bolýǵa shaqyramyz, eger mundaı jazýlardy baıqasańyz, beı-jaı qaramaı, ákimdikke nemese quqyq qorǵaý organdaryna habarlańyz, - dedi Murat Maratov.

Mundaı reıdter elordanyń barlyq aýdanynda turaqty túrde ótkizilip turady. Bılik azamattardy elordada tazalyq pen tártipti saqtaý jónindegi bastamalarǵa qosylýǵa shaqyrady.