Astanada qaýipsizdik úshin polıtseılerdiń sany edáýir arttyrylady
ASTANA. QazAqparat - Elordada polıtsııa qyzmetkerderi aıtarlyqtaı artady. Bul týraly búgin Ortalyq kommýnıkatsııalar qyzmetindegi brıfıngte QR Іshki ister mınıstri Qalmuhanbet Qasymov málim etti.
«Taıaýda men Memleket basshysynyń qabyldaýynda bolyp, Astana boıynsha jaǵdaı týraly baıandap berdim. Prezıdent jedel-tergeý qyzmetteriniń sanyn arttyrý turǵysynda respýblıkalyq bıýdjet esebinen 1300 adamdy qabyldaýdy bekitti. Qala ákimi jergilikti bıýdjet esebinen polıtsııa qyzmetkerlerin arttyrý sheshimin qabyldady. Olardyń qatarynda sholǵynshy polıtsııa men ýchaskelik ınspektorlar jáne basqalara bar. 7-8 aıdyń ishinde nemese bir jylda biz bul adamdardyń barlyǵyn qabyldaımyz», - dedi mınıstr. Onyń sózine qaraǵanda, qyrkúıekte Astana mańynda áskerı qalashyqtyń qurylysy aıaqtalady. Onda elordada qyzmetin atqaratyn 2,5 myń merzimdi sarbazdar ornalasady. Osy oraıda sarbazdar qaladaǵy taǵy 500 baǵdardy qamtıtyn bolady. Vedomstvo basshysynyń aıtýynsha, Astana turǵyndaryna shaqqanda polıtseıler jetispeıdi, sondyqtan elordada qylmys kólemi ósýde. «Bizdiń Astanadaǵy kúshterimiz 240 myń adamǵa eseptelgen. Sońǵy sanaqqa qaraǵanda elordanyń halqy 810 myńǵa deıin artqan. ıAǵnı, qala úsh esege jýyq kórsetkishke ósken, al biz tek 240 myń adamdy qamtyp otyrmyz»,-dedi Q. Qasymov.
