Astanada «Qaýipsiz jol» sharasynyń bes kúninde jol qozǵalysy erejelerin buzýdyń 5342 faktisi anyqtaldy
ASTANA. 29 qazan. QazAqparat - «Qaýipsiz jol» operatsııasyn ótkizýdiń bes kúninde jol qozǵalysy erejelerin buzýdyń 5342 faktisi anyqtaldy,
dep habarlaıdy Astana qalalyq ІІD Jol polıtsııasy basqarmasynyń baspasóz qyzmetinen.
Sonyń ishinde jyldymdyqty asyrýdyń 1362 faktisi, ozý erejelerin buzýdyń 792 faktisi, qarsy jolaqqa shyǵyp ketýdiń 150 faktisi bar. Budan basqa, apatty jaǵdaılardy týdyrǵany úshin júrgizýshilerge qatysty 111 ákimshilik hattama toltyryldy, kólikterin mas kúıinde júrgizgen 60 azamat anyqtaldy.
Esterińizge sala keteıik, Astana aýmaǵynda apattylyqty tómendetý jáne jol-kólik oqıǵalaryn boldyrmaý maqsatynda 2012 jylǵy 24-29 qazan aralyǵynda «Qaýipsiz jol» respýblıkalyq jedel-aldyn alý sharasy ótkizilýde. Osyǵan baılanysty Astanada joldardaǵy qaýipsizdik sharalary kúsheıtilip, jasaqtardyń sny arttyryldy, Astana qalalyq ІІD JPB-nyń barlyq jeke quramy qyzmetti júrgizýdiń kúsheıtilgen rejimine ótti.
