Astanada qatty turmystyq qaldyqtardy shyǵaratyn kompanııa aýysty
ASTANA. QazAqparat - «Astana-Tazartý» kompanııasynyń ornyna «CleanCityNC» JShS keldi, dep habarlaıdy Elorda ákimdiginiń medıa ortalyǵy .
«Qatty turmystyq qaldyqtardy shyǵarý uıymdaryn tańdaýǵa arnalǵan tenderdiń qorytyndysyna saı Astana qalasynyń aýmaǵy boıynsha «Clean City NC» JShS qyzmet kórsetetin bolady», - dep málim etti qalalyq tabıǵı resýrstar jáne tabıǵat paıdalanýdy retteý basqarmasynyń bólim basshysy Mıras Ǵaısın.
Astana qalasynyń abattandyrý erejelerine saı, kommýnaldy qaldyqtardy shyǵarý zańdy tulǵalar (sonyń ishinde PIK) basqa da sharýashylyq sýbektiler, qala aýmaǵynda qyzmetin júrgizetinder, jeke turǵyn úıler men páterdi jalǵa alýshylardyń ıeleri qaldyqtardy shyǵarý boıynsha tenderdi utyp alǵan merdiger uıymdarmen kelisilgen negizde jumys júrgizedi.
«Qatty turmystyq qaldyqtardy shyǵarýǵa arnalǵan uıymdardy tańdaý tenderi úsh jylda bir ret júrgiziledi. Bul joly baıqaýdy ónerkásiptik bazasy men qajetti tehnıkasy jetkilikti «Clean City NC» JShS utyp aldy. Tıisti habarlama zań talaptaryna saı Elorda ákimdiginiń «Astana aqshamy» jáne «Vechernıaıa Astana» resmı gazetterinde jarııalandy», - dedi M.Ǵaısın.
Osyǵan deıin, Astana qalasynyń aýmaǵynda QTQ shyǵarý qyzmetin «Astana-Tazartý» JShS júrgizip kelgen bolatyn.
