Astanada aýyl sharýashylyǵy jármeńkesi ótedi
ASTANA. KAZINFORM — 19 qyrkúıekten bastap Astanada Qazaqstan óńirleriniń qatysýymen aýyl sharýashylyǵy jármeńkeleri bastalady.
Elorda turǵyndary men qonaqtary otandyq óndirýshiler men fermerlerden tikeleı jańa ónimder satyp ala alady.
Jármeńkeler ár demalys saıyn tómendegi keste boıynsha ótedi:
* 19–20 qyrkúıek — Qyzylorda jáne Atyraý oblystary;
* 26–27 qyrkúıek — Abaı, Almaty jáne Mańǵystaý oblystary;
* 3–4 qazan — Shyǵys Qazaqstan jáne Aqtóbe oblystary;
* 10–11 qazan — Túrkistan jáne Batys Qazaqstan oblystary;
* 17–18 qazan — Soltústik Qazaqstan, Pavlodar jáne Ulytaý oblystary;
* 24–25 qazan — Qaraǵandy jáne Qostanaı oblystary.
Jármeńkelerde jergilikti óndirýshilerdiń keń assortımenttegi ónimderi usynylady. Atap aıtqanda, et, balyq, sút ónimderi, bakaleıa, kókónister, jemister jáne basqa da taýarlar satylady.
Jármeńkeler saǵat 09:00-den 18:00-ge deıin «Qazanat» ıppodromynyń avtoturaǵynda, Qarqaraly tasjoly, 1 mekenjaıynda jumys isteıdi.
Turǵyndar men qala qonaqtaryna yńǵaıly bolý úshin jármeńke ótetin jerge №18, 37 jáne 303 avtobýstary qatynaıdy.
Ótken jyly óńirlik aýyl sharýashylyǵy jármeńkesine elimizdiń 17 óńirinen 600-den astam aýyl sharýashylyǵy taýaryn óndirýshi qatysty. Jármeńke barysynda et, balyq jáne sút ónimderi, bakaleıa, kókónister men jemisterdi qosa alǵanda, 10 myń tonnadan astam ónim satyldy.
