Astanada qaterli isik óskinin erte bastan anyqtaý jaǵdaıy jaqsaryp keledi

Bul týraly «Onkologııalyq aýrýlardyń aldyn alý ádisi retinde 2011 jylǵy Astana qalasy turǵyndarynyń skrınıngtik zertteýleriniń qorytyndysy» atty baspasóz máslıhaty  barysynda Astana qalasy densaýlyq saqtaý basqarmasy bastapqy medıtsınalyq-sanıtarlyq kómek jónindegi shtattan tys bas maman Altynshash Tabyldına  málim etti.

«2011-2015 jyldarǵa arnalǵan «Salamatty Qazaqstan» baǵdarlamasynda skrınıng túrleri men toptaryn keńeıtý, sondaı-aq ádisterin jetildirý máseleleri qamtylyp otyr. Jalpy málimetterge keletin bolsaq, 2011 jyly Astana qalasy boıynsha qaterli isiktiń jańa paıda bolý jaǵdaılary 100 myń adamǵa shaqqanda 176,2 adamdy qurady. 2010 jyly bul kórsetkish 187,4 bolyp edi. Jalpy respýblıkalyq kórsetkish 100 myń adamǵa 181,2 adamdy quraıdy», - deıdi A.Tabyldına.

Onyń aıtýynsha, elimizde onkologııalyq aýrýlardyń órshigen kezeńi 2009 jylǵa tıesili, onda 100 myń adamǵa 191,2 kórsetkishten kelgen bolatyn. Al sońǵy 6 jylda medıtsınalyq kómektiń aldyn alý baǵytyn kúsheıtý, tıimdi zamanaýı tehnologııany engizý esebinen bul kórsetkish 106,2-ge tómendedi.

Jalpy mamannyń sózine qaraǵanda, sońǵy 6 jylda Astana qalasy boıynsha qaterli isiktiń paıda bolýyn erte bastan anyqtaý kórsetkishteri jaqsaryp keledi. «Máselen, eger 2007 jyly bul kórsetkish 42,1-di qurap, respýblıkalyq deńgeıden tómen bolsa, 2011 jyly bul 49,5-ti qurap, respýblıkalyq ortasha kórsetkishten joǵarylady. Osynyń arqasynda dıagnostıkany kesheýildetip alý jaǵdaılary 11,5 paıyzǵa deıin tómendedi», - deıdi A. Tabyldına.