Astanada Qasym, Jomart jáne Kemel esimdi úshem dúnıege keldi
Úshemniń ata-anasy №2 Kópbeıindi qalalyq aýrýhananyń dárigerlerine alǵys bildirýde.
Jas ana jubaıynyń janynda medbıke bolyp qyzmet isteıdi. Jubaıy – tis dárigeri. Olar alǵash ret ata-ana atanyp otyr, balalarǵa esimderin atasy qoıǵan.
Úshemder árqaısysy shamamen 1000 gr salmaqpen merziminen buryn dúnıege kelgen. Olar bólimshe meńgerýshisi Irına Tsýbenko bastaǵan dárigerler nazarynda jańa týǵan náresteler patologııasyn kútý bóliminde boldy.
«Ota jasaǵan jáne jalpy №2 KQA-nyń akýsherlik blogyna úlken alǵysymdy bildiremin. Medıtsınalyq mekemelerde qolaıly jaǵdaı jasap, zamanaýı jabdyqtarmen qamtamasyz etkeni úshin jáne mamandardyń joǵary kásibıligi úshin alǵysym sheksiz. Sizderdiń arqalaryńyzda búldirshinderimiz tolyqqandy ómir súrýge jáne jarqyn bolashaqqa quqyly!» - dedi úshemniń anasy Maral Soppek.
Foto: gov.kz
