Astanada kásipkerlerdiń ótinishterin qaıta-qaıta keri qaıtarǵan sheneýnikter jaýapqa tartyldy
ASTANA. KAZINFORM - Tekserý barysynda ýákiletti organdardyń kásipkerlerdiń sanıtarııalyq-epıdemıologııalyq qorytyndy alý týraly ótinishterin tehnıkalyq qatelikterge, qujattarǵa qosymshalardyń bolmaýyna jáne basqa da formaldy sebepterge silteme jasap júıeli túrde keri qaıtarǵany anyqtaldy.
Astana qalalyq prokýratýrasy baspasóz qyzmetiniń habarlaýynsha, jaýapty tulǵalar qujatty qaıta tapsyrǵan kezde bir ótinish berýshige ár joly buryn aıtylmaǵan jańa sebepter aıtyp, qujatty rásimdeýge qarsy bolǵan.
Ýákiletti organdar naqty ári dáleldi negizdemelerdiń ornyna jalpy sıpattaǵy baǵalaý tujyrymdaryn keltirip otyrǵan.
Sonymen qatar ótinishterdi túpkilikti sheshim qabyldamaı birneshe ret keri qaıtarý tájirıbesi qyzmet kórsetý merzimderiniń buzylýyna alyp kelgen.
Bul kásipkerlerge eleýli kedergiler týǵyzyp, olardyń quqyqtarynyń shektelýine sebep bolǵan.
Tekserý qorytyndysy boıynsha kináli laýazymdy tulǵalar ákimshilik jáne tártiptik jaýaptylyqqa tartyldy.
Kásipkerlerdiń quqyqtarynyń saqtalý máselesi prokýratýranyń erekshe baqylaýynda.
Osyǵan deıin Abaı oblysynyń prokýratýrasy 3,4 myń kásipkerdiń quqyǵyn qorǵaǵany týraly jazdyq.
