Astanada qaskúnemder 17 jastaǵy qyzdy jynystyq quldyqqa satpaq bolǵan
ASTANA. 12 qyrkúıek. QazAqparat - Elordalyq ІІD Uıymdasqan qylmysqa qarsy kúres basqarmasyna Astana qalasynyń eki turǵyny kámelettik jasqa tolmaǵan qyzdy jynystyq quldyqqa satpaqshy degen habar túsken, dep habarlady quqyq qorǵaý vedomstvosynyń baspasóz qyzmetinen.
Jedel sharalardy júrgizý barysynda polıtseıler kúdiktilerdi anyqtap, «taýar» úshin jasalatyn «kelisimniń» qaı jerde bolatynyn anaqtaǵan. Qaskúnemder qyzdy 40 myń teńgege satyp jibermek bolǵan.
Aldyn ala josparlanǵan klıentten aqsha alý kezinde kúdiktiler oqıǵa ornynda ustaldy. Tergeý barysynda osyǵan deıin isti bolǵan B. esimdi azamat pen 1989 jylǵy D. esimdi sybaılasy óz aıyptaryn moıyndady.
Polıtseılerdiń anyqtaýynsha, aıyptylardyń kúshtep ustap otyrǵany qyzy buryn tátesimen turǵan jetim qyz eken. Qylmyskerler quryqtalǵannan keıin qyz kúndelikti ómirine qaıtyp oraldy.
Atalǵan fakti boıynsha ustalǵan tulǵalarǵa qatysty QR QK 133-babynyń 2-tarmaǵy boıynsha qylmystyq is qozǵaldy.
Tergeý júrgizilip jatyr.
