Astanada kásipkerlerge arnalǵan fýlfılment-ortalyq ashyldy
Qazposhtanyń Astanada alǵash ret ashylǵan kezekti jobasy kəsipkerlerdiń taýardy ıesine jetkizýin jeńildetedi. Odan bólek, qoımalarmen, baılanys ortalyqtarymen, logıstıka jəne qyzmetkerler quramymen qamtamasyz etý shyǵynyn azaıtady.
«Internet-saýda mádenıetiniń damýymen qatar, qazaqstandyqtardyń ony jetkizip berýge degen talaby da artty. Qazir biz jetkizý merzimderin qysqartý boıynsha jumystar júrgizip jatyrmyz, halyqaralyq kýrerlik jáne logıstıkalyq kompanııalarmen jáne poshta operatorlarymen yntymaqtastyq ornattyq. Biz TMD-da birinshi bolyp 2017 jylǵy tamyzda QHR-dan Qazaqstanǵa temirjolmen sálemdeme tasymaldaýdy jolǵa qoıdyq. Bul jetkizý merzimin 2 ese (60 kúnnen 25 kúnge deıin) qysqartty, jetkizý qunyn da 2 ese azaıtyp, tasymaldyń turaqtylyǵyn arttyrdy. Temirjol baǵytynan ózge biz QHR-dan Qazaqstanǵa charterlik áýe tasymalyn iske qosý jumysyn júrgizip jatyrmyz. Bul jetkizý merzimin 25 kúnnen 7-15 kúnge deıin qysqartýǵa múmkindik beredi. Sondaı-aq, biz halyqaralyq tranzıtti damytý josparynda bond qoımalardy qurý jumystaryn belsendi túrde júrgizip jatyrmyz», - dedi «Qazposhta» AQ basqarma tóraǵasy Sáken Sársenov. 
Qazirgi kúni jalpy aýdany 3 myń sharshy metrlik qoımada 20 ınternet-dúkenniń 600 myń taýary saqtalǵan, bıyldyń ózinde qoımadan 177 myń taýar jóneltildi. 
Qazposhta basshysynyń sózine qaraǵanda, qazir Qazposhtanyń Almaty men Astanadaǵy 2 fýlfılment-ortalyǵy ınternet-dúkenderdiń osyndaı qyzmetterge qajettiligin tolyqtaı qamtamasyz ete alady.
Alǵashqy fýlfılment-ortalyqtyń ashylýyna QR Premer-mınıstriniń orynbasary Asqar Jumaǵalıev qatysyp, ınternet dúkenniń jumysymen tanysty.
«Sizder bilesizder, shaǵyn jəne orta kəsipkerlikti Elbasynyń ózi qoldap otyr. Sonyń negizinde búginde salyq kodeksine ózgerister engizildi. Atalǵan ózgeristerge səıkes kəsipkerlerdiń salyq tóleýi jeńildedi. Onyń elektrondyq saýdaǵa da qatysy bar, sondyqtan úkimet sizderden nətıjeli jumys kútedi. Eń bastysy, el ekonomıkasyn damytýda jańa jumys oryndarynyń ashylýy, bul - qýantarlyq jaǵdaı», - dedi vıtse-premer Asqar Jumaǵalıev.
Aıta keteıik, aldyn ala derekterge súıensek, elimizdegi ınternet satyp alýshylardyń sany ótken 7 aıda 1,5 mln adamdy qurady. Bul ótken jylmen salystyrǵanda 11%-ǵa artyq.
