Astanada kásipkerler arasyndaǵy daýlar eki esege artqan - Ekonomıkalyq sot
ASTANA. QazAqparat - 2016 jyly Astana qalasynyń mamandandyrylǵan aýdanaralyq ekonomıkalyq soty kásipkerlerdiń arasynda sharttyq mindettemeler aıasyndaǵy daýlardyń eki esege artqanyn habarlady.
Osyndaı isterdiń ishinde shartty oryndamaǵany úshin 8 824 is qaralǵan. 2015 jyly bul kórsetkish 4 647 deńgeıinde tirkelgen. Bul týraly búgin Astana qalasynyń mamandandyrylǵan aýdanaralyq ekonomıkalyq sotynyń tóraǵasy Aqan Jumaǵulov málim etti.
«Azamattyq isterdiń qurylymynda kásipkerlerdiń arasynda sharttyq mindettemeler aıasyndaǵy daýlar týraly sotpen qaralǵan ister basym bolyp keledi. Osyndaı isterdiń ishinde shartty oryndamaǵany úshin 8 824 is qaralǵan. 2015 jyly bul san 4 647-ge teń bolǵan», - dedi ol baspasóz máslıhatynda.
Onyń sózinshe, mundaı daýlardyń sebepteri ár túrli: mindettemeler oryndalady, biraq aqy tólenbeıdi, nemese kerisinshe aldyn ala aqy tólengen, al qyzmet júrgizilmeıdi.
Sotta josyqsyz básekelestik pen monopolııaǵa qarsy zańnamany qoldanýmen zııatkerlik menshik quqyǵymen baılanysty daýlar da birneshe esege kóterilgen, eger 2015 jyly 9 talap aryz tússe, 2016 jyly 40 aryz túsken.
