Astanada kásipker esirtki beınelengen aksessýarlardy satqany úshin aıyppul tóleıdi (FOTO)
ASTANA. QazAqparat - Astana qalalyq ІІD-niń esirtki bıznesine qarsy kúres basqarmasynyń qyzmetkerleri polıtsııanyń ýchaskelik ınspektorlarymen birigip elorda dúkenderiniń birinde esirtkini nasıhattaıtyn ónimderdi zańsyz satýdyń faktisin anyqtaǵan.
«Satýshy aksessýarlar - esirtkilik zattar beınelengen fýtbolka men beısbolkalardy satýmen aınalysqan», - dep habarlady Astana qalalyq ІІD-niń baspasóz qyzmetinen.
9 maýsymda 43 jastaǵy jeke kásipkerge qatysty esirtki, psıhotroptyq zattar men prekýrsorlardy nasıhattap, zańsyz jarnamalaǵany úshin (QR ÁQB kodeksi) ákimshilik materıal toltyryldy.
Mamandandyrylǵan aýdanaralyq ákimshilik soty kásipkerge qatysty ony ákimshilik jaýapkershilikke tartý sheshimin qabyldap, 200 AEK kóleminde aıyppul saldy. Joǵaryda atalǵan faktilerdi anyqtaý boıynsha sharalar jalǵastyrylyp jatyr.
