Astanada Qasym Qaısenov kóshesiniń bir bóligi ýaqytsha jabylady
ASTANA.KAZINFORM — Astanada SABIS halyqaralyq mektebine jylý jelilerin tartý jobasy aıasynda jylý trassasyn montajdaý jumysy júrgizilip jatyr. Bul týraly elorda ákimdigi málim etti.
— Jumys júrgizilýine baılanysty Q. Qaısenov kóshesiniń T. Rysqulov kóshesimen qıylysatyn tusynda 2026 jylǵy 14 tamyz kúni saǵat 21:00–den 17 tamyz kúni saǵat 05:00–ge deıin atalǵan ýchaskede avtokólik qozǵalysyna ýaqytsha shekteý engiziledi. Júrgizýshiler baǵytyn aldyn ala josparlap, ýaqytsha shekteýlerdi eskerýi qajet, — dep eskertti ákimdikten.
Jol qozǵalysyna qatysýshylardyń qaýipsizdigin qamtamasyz etý maqsatynda jumys júrgiziletin aýmaqta tıisti jol belgileri men kórsetkishter ornatylady.
Aıta keteıik, buǵan djeıin Uly Dala dańǵylynan Syǵanaq kóshesine deıingi ýchaskede Sh. Aıtmatov kóshesinde tóseminiń joǵarǵy qabatyn salý jumystary júrgiziletinin jazdyq. Osyǵan baılanysty, aǵymdaǵy jyldyń 12 men 24 tamyz aralyǵynda atalǵan ýchaskedegi qozǵalys ishinara jabylatyn bolady.
