Astanada kásibı ІT bilim alýǵa bolady
ASTANA. 19 qazan. QazAqparat - Elordada «ShAG» Kompıýterlik akademııasynyń qazaqstandyq fılıaly ashyldy. Onda álemniń aqparattaný jáne kompıýter salasynda kásiptik IT-bilim alýǵa bolady. Bul týraly astana.kz saıtyna fılıaldyń baspasóz qyzmetinen habarlady.
Kompıýterlik akademııaǵa túsken stýdentter jelilik tehnologııalar jáne júıelik ákimshilik, baǵdarlamalyq qamtýdy ázirleý jáne kompıýterlik grafıka men dızaın syndy úsh baǵyt boıynsha bilim alady. Oqytý júıesi oqý baǵdarlamalaryn álemdik deńgeıde jetekshi vendorlardyń (Sisco, Microsoft, Oracle, Autodesk jáne t.b.) keıstaryn qosý arqyly únemi jańalaý úrdisine negizdelgen. «ShAG» Kompıýterlik Akademııasy - 1999 jyly Odessa qalasynda (Ýkraına) negizi qalanǵan biregeı oqytý ortalyǵy. Búgingi tańda Ýkraına, Reseı, Chehııa, Estonııa jáne Belorýsııa elderinde jáne Qazaqstanda 21 fılıaly bar.
Aıta keteıik, akademııada 40 myńnan astam túlek pen 15 myńnan asa stýdent bilim alyp, jetistikterin halyqaralyq konkýrstar men olımpıadalarda joǵary deńgeıde kórsetýde.
