Astanada Qarjylyq baqylaý ınspektsııasynyń bas mamany paramen ustaldy
ASTANA. QazAqparat - Para alý faktileri boıynsha Astana qalasy Qarjylyq baqylaý ınspektsııasynyń laýazymdy tulǵalaryn ustaý operatsııasy ótti. Bul týraly búgin Astana qalalyq Qarjy polıtsııasy departamentiniń bólim basshysy Oljas Súleımenov málim etti.
"Aǵymdaǵy jyldyń 15 sáýirinde bıýdjet qarajattaryn orynsyz paıdalaný faktilerin jasyrýda kómek kórsetý úshin "Astana Tazalyq" JShS memlekettik satyp alýlar bóliminiń basshysynan 4,5 mln. teńge kóleminde para alǵan Qarjylyq baqylaý ınspektsııasynyń bas mamany J.Nurkeev ustaldy", - dedi O.Súleımenov.
Sol kúni sot sanktsııasymen Nurkeev qamaýǵa alynǵan. Tergeý amaldary júrgizilýde.
