Astanada qarjy pıramıda jetekshileri sottaldy

Qylmystyq ister jónindegi aýdanaralyq sotynyń úkimimen «Antares» qarjylyq pıramıdasynyń eki jetekshisiniń múlikteri tárkilenip, 5 jyl 6 aı jáne 6 jyl 6 aıǵa bas bostandyǵynan aıyryldy. Bul týraly Kazinform QR Bas prokýratýrasynyń baspasóz qyzmetine silteme jasap habarlaıdy. 

Memlekettik aıyptaýshy barlyq dáleldemelerdi usyna otyryp, sottalýshylardyń kinásizdigi jónindegi ýájderin joqqa shyǵardy. 

Kináliler Instagram men Telegram áleýmettik jelileri arqyly qysqa merzimde aqsha tabý múmkindigin jarnamalap, salynǵan aqshany jyldyq 300%-ǵa deıin kóbeıtýge ýáde bergen. 33 adam pıramıdaǵa 245 mıllıonnan astam teńge salǵan.

Jábirlenýshilerdiń azamattyq talaptary qanaǵattandyryldy. Úkim kúshine endi.