Astanada Qarýly Kúshter qatarynda kelisimshart boıynsha qyzmet etkisi keletinder úshin úgit pýnkti ashyldy
Búgin Astanada azamattardy kelisimshart boıynsha jınaqtaıtyn jyljymaly úgit pýnkti jumysyn bastady. Onyń ornalasqan jeri - Temirjol vokzaly.
«Armııa týraly, áskerı qyzmettiń sharttaryn jurtshylyqqa túsindire alatyn Qarýly Kúshterdiń ókilderi halyqqa burynǵydan da jaqyndaı tústi. Kelisimshart boıynsha áskerı qyzmetke jınaqtaý pýnktiniń qaı jerde ekenin bildiretin memlekettik jáne orys tilinde jasalǵan úlken eki bılbord alystan kóz tartady. Pýnkt vokzaldyń ekinshi qabatyndaǵy kútý zalynda ornalasqan», - delingen atalǵan vedomstvonyń baspasóz qyzmeti taratqan málimette.
Televızııalyq monıtorlarda áskerı qyzmet týraly beıne rolıkter kórsetilýde. Jolaýshylar Qarýly Kúshter qataryna qabyldaý týraly túsinikteme beretin jýrnaldardy kórip, broshıýra, býklettermen tanysýda. Azamattardyń barlyq ótinishteri men suraqtaryna Qorǵanys isteri jónindegi departamenttiń qyzmetkeri jaýap beredi.
Jyljymaly úgit pýnkti jumysyn saǵat 9-dan bastady. Áskerde qyzmet etkisi keletin, biraq ol úshin ne isteý kerektigin bilmeıtin jas azamattar qaıda barý qajettigi týraly jáne ózge de aqparattardy osy jerden ala alady.
Jýyq arada Astanada kelisimshart boıynsha áskerı qyzmetke jınaqtaıtyn taǵy bir jyljymaly úgit pýnktin ashý josparda bar. Ol qalanyń ártúrli ýchaskelerinde jumys isteıtin bolady.
Іrikteý sharalarynan súrinbeı ótken kandıdattardy Qorǵanys mınıstrligi komıssııasynyń sheshimimen áskerı qyzmetke qabyldaý qarastyrylady.
2013 jyly irikteý sharalaryn ótkizý:
Qazaqstan Qarýly Kúshteri qatarynda qyzmet etip, óz Otany men halqyn qorǵaǵysy keletinder jergilikti áskerı basqarý organdaryna nemese ózi turatyn eldi mekendegi kez kelgen jınaqtaý pýnktine habarlasa alady.