Astanada qarttarǵa arnalǵan 3 shaǵyn ortalyq ashyldy
ASTANA. QazAqparat - Astana qalasynyń «Baıqońyr» aýdanynda halyqaralyq qarttar kúnine oraı aǵa urpaqtyń bos ýaqytyn qyzyqty ótkizýine arnalǵan 3 shaǵyn ortalyq ashyldy, dep habarlaıdy QazAqparat tilshisi.
Bul týraly aýdan ákimi óziniń Feısbýktegi paraqshasynda málimdedi. Onyń aıtýynsha, shaǵyn ortalyqtardy ashýǵa qyzmet kórsetý uıymdarynyń tóraǵalary men «Asyl qazyna NS» JShS demeýshilik jasaǵan.
«Munda zeınetkerler men ardagerlerdiń bos ýaqytyn barynsha qyzyqty etip ótkizýi úshin ádebı-shyǵarmashylyq buryshtar, ústel oıyndary (shahmat, doıby) uıymdastyrylyp, sonymen qatar mýzykalyq úıirmeler ashý josparda bar», - dep jazdy aýdan ákimi Erlan Kanalımov. 
Shaǵyn ortalyqtar myna mekenjaılardy ornalasqan: A. Pýshkın kóshesi, 15, E. Brýsılovskıı kóshesi, 18 jáne A. Chehov kóshesi, 14.
Aýdan ákimdigi qarttarǵa arnalǵan ortalyqtardyń qajettiligi men mańyzdylyǵyn túsine otyryp, taǵy da osyndaı birneshe oryn ashýdy josparlap otyr.
