Astanada qarsy jolaqqa shyǵyp, ózara jarysqan 5 júrgizýshi kýáliginen aıyryldy
NUR-SULTAN. QazAqparat - Túngi ýaqytta beınebaqylaý kamerasy arqyly ózara jarys uıymdastyrǵan bes kólik júrgizýshisi kózge tústi. Jyldam júrýdi unatatyn júrgizýshiler kópir boıymen jyldamdyqty asyryp, qarsy qozǵalys jolaǵyna shyqqan, dep habarlaıdy QazAqparat.
Polıtsııa qyzmetkerleri jol erejesin buzǵan barlyq júrgizýshini ustap, QR ÁQBK 596-baby boıynsha ákimshilik jaýapkershilikke tartty.
Sottyń sheshimine sáıkes jol erejesin buzǵandar 6 aı kólik quralyn júrgizý quqyǵynan aıyryldy.
Sonymen qatar, «Mercedes Benz» markaly avtokóliginiń 22 jastaǵy júrgizýshisi mas kúıinde kólik júrgizgeni úshin 15 táýlikke ákimshilik qamaýǵa alynyp, jeti jyl merzimge kólik júrgizý quqyǵynan aıyryldy.
Sondaı-aq, polıtseıler júrgizýshiniń kólik jaldaý kompanııasynan «Mercedes Benz» avtokóligin jalǵa alǵanyn anyqtady.
Kólik quralyn paıdalaný erejesin buzǵany jáne medıtsınalyq tekserýden ótpegen júrgizýshini avtokólikti basqarýǵa jibergeni úshin JShS-ǵa QR ÁQBtK-niń 590-baby boıynsha 30 AEK mólsherinde aıyppul salyndy.
Osylaısha júrgizýshilerge 9 ákimshilik hattama toltyryldy. Buzýshylyqtardyń arasynda qarsy jolaqqa shyǵý, qaýipsizdik sıgnalyn bermesten manevr jasaý, jol tósemderiniń buzylýy, tehnıkalyq aqaýy bar jáne tehnıkalyq baıqaýdan ótpegen avtokólikti basqarý bar.
Tergeý nátıjesinde polıtseıler ustalǵan júrgizýshilerdiń birneshe ret jyldamdyqty asyryp, jol erejesin óreskel buzǵanyn anyqtady.
Mysaly, «Mercedes Benz» avtokóliginiń 31 jastaǵy júrgizýshisi búginde - 76, al «Toıota Kamrı» avtokóliginiń 22 jastaǵy júrgizýshisi - 36 ret jyldamdyqty asyryp jol erejesin buzǵan. Ol «Sergek» kamerasynda tirkelgen.
Qazirgi ýaqytta barlyq avtokólik kommýnaldyq turaqqa jetkizildi.
Polıtsııa atap ótkendeı, kóshede kólik jarysyn ótkizý zańmen tyıym salynǵan, óıtkeni jol erejesin buzǵan júrgizýshiler adam ómirine úlken qaýip tóndiredi.
