Astanada «Qarsy tekseris» kórkem fılminiń premerasy ótedi
ASTANA. 15 naýryz. QazAqparat - Astanada Sháken Aımanov atyndaǵy «Qazaqfılm» stýdııasy shyǵarǵan rejısser Darhan Qojahannyń «Qarsy tekseris» televızııalyq kórkem fılminiń premerasy ótedi.
«Qarsy tekseris» - memlekettik qyzmetshiler - Respýblıkalyq bıýdjettiń oryndalýyn baqylaý jónindegi Esep komıteti qyzmetkerleriniń ómiri men qyzmetin kórsetetin qazirgi kezdegi oqıǵalardy sýretteıdi.
Fılmniń tanystyrylymy rásimine Esep komıtetiniń tóraǵasy Omarhan Óksikbaev, Mádenıet jáne aqparat mınıstri Darhan Myńbaı, «Qazaqfılm» kınostýdııasynyń prezıdenti Ermek Amanshaev, sondaı-aq basty rólderdi oryndaýshylar Samat Isembaev, Azamat Satybaldy, Baýyrjan Álpeıisov jáne ıAna Boryka qatysady.
Kórsetilim 2012 jylǵy 19 naýryzda saǵat 17.30-da «Kerýen» saýda oıyn-saýyq ortalyǵyndaǵy «Kınopark» kınoteatrynda, № 7 zalda ótedi. Esep komıtetiniń tóraǵasy fılm bastalar aldynda suhbat beredi.
