Astanada «QARLAG» arhıpelagy» atty zamanaýı óner týyndylary kórmesi ashyldy (FOTO)
ASTANA. QazAqparat - QR Ulttyq mýzeıinde Saıası qýǵyn-súrgin jáne asharshylyq qurbandaryn eske alý kúnine arnalǵan «QARLAG» arhıpelagy» atty zamanaýı óner týyndylary kórmesi ashyldy.
Bul kórme QR Pralamenti Májilisiniń depýtaty Nurlan Dýlatbekov pen Qazaqstannyń sýretshileri Aınur Sádenova, Almagúl Meńlibaeva jáne Syrlybek Bekbotaevtyń birlesken kórkem-gýmanıtarlyq jobasy.
Avtorlardyń aıtýynsha, sharanyń maqsaty ótken tarıhymyzda bolǵan qaıǵyly oqıǵalardyń tabıǵaty men tereń mánin jurtshylyqqa jetkizýge negizdelgen, sondaı-aq Qazaqstannyń 1930-1956 jyldar arasyndaǵy kezeńde burmalanǵan tarıhyn qaıta qalpyna keltirýge, 11 arnaıy eńbekpen túzeý lagerlerinde ustalǵan mıllıonnan astam tutqynnyń taýqymetti taǵdyryn keńinen aıtyp berýge arnalyp otyr.
Mýzeı zaldarynyń birinde segiz ınstallıatsııa kópshilik nazaryna usynylyp otyr. Onyń biri Almagúl Meńlibaevaǵa tıesili. Búginde ol mýltımedıa-sýretshi retinde tanylyp otyr. Sýretshi usynǵan «Shanel № 5» dep atalatyn ınstallıatsııada «ALJIR» tutqyny bolǵan áıeldiń esteligi qamtylǵan.
Al Nurlan Dýlatbekovtiń QARLAG týraly kitap ınstallıatsııasynda fotoalbomdar, ocherekter, tarıhı málimetter men faktiler, zertteýler , estelikter jınaqtalǵan.
Atalǵan kórme Ulttyq mýzeıde 30 mamyr men 15 shilde aralyǵynda ótedi.
