12:27, 04 Tamyz 2024 | GMT +6
Astanada Qarqaraly tasjoly úsh kúnge jabylady
ASTANA. KAZINFORM — Astanada taǵy bir trassada kólik qozǵalysyna ýaqytsha tyıym salyndy.
Astana kólik jáne jol-kólik ınfraqurylymyn damytý basqarmasy Qarqaraly tasjolynyń «Juldyz» aınalymynan bastap kólik aıryǵyna deıingi ýchaskesinde joldyń ústińgi qabatyn tóseý jumystary júrgiziletinin habarlady.
Kórsetilgen ýchaske 4-7 tamyz aralyǵynda ishinara jabylady.
Bul rette avtokólik qozǵalysy joldyń bir jaǵymen eki baǵytta da júzege asady.
«Astana turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýyn suraımyz. Ýaqytsha qolaısyzdyq úshin keshirim suraımyz jáne jol-qurylys jumysyna túsinistikpen qaraıdy dep úmittenemiz» deıdi ákimdikten.
