Astanada káriz júıesin tazartýǵa zamanaýı tehnıka jetkizildi
ASTANA. QazAqparat - Astana ákimdigi ózekter men arnalardy tazartatyn eki mashınany satyp aldy. Árbir mashınanyń quny 306 mln. teńge turady, dep habarlaıdy QazAqparat.
Bul arnaıy tehnıka kóktemgi kezeńde káriz júıesin tazartý úshin paıdalanylýda.
«Bular qurylysy jaǵynan óte kúrdeli mashınalar, ıaǵnı arnalardaǵy tunbalar men ózge de qaldyqtardy tolyqtaı tazartýǵa qaýqarly. Sonymen qatar mashınada jeti qabattan turatyn súzbe de bar, osy arqyly laılanǵan sý tazartylyp, qaıtadan jerge aǵyzylady. Buryndary mashınalar sýlary taýsylǵannan keıin, qaıtadan sý toltyrý úshin qashyq jerge baratyn. Al osy jańa tehnıkanyń ishki júıesi sýdy tazartyp, qaıtadan paıdalanady», - dedi «Astana-Tazalyq» JShS bas dırektory Boranbaı Bolatbekov.
Qyzmetkerlerdi mashınany basqarýǵa úıretý úshin amerıkalyq zaýattyń ókilderi shaqyrtylyp, olar óz kezeginde sheberlik sabaqtaryn ótkizdi.
«Bastapqyda qalanyń ortalyq bóligin tazartyp shyǵamyz. Aǵymdaǵy jyly 50 shaqyrym aýmaqty tazartý josparda bar»,-dedi Bolatbekov.
Onyń sózinshe, Astanada káriz júıesiniń jalpy uzaqtyǵy 400 shaqyrym, onyń ishinde 350 shaqyrymy jer astynda jáne 50 shaqyrymy jerdiń ústimen ótedi.
