Astanada káriz lıýktaryn urlaǵan 3 adam ustaldy
ASTANA. QazAqparat - Astana qalasynyń tártip saqshylary káriz lıýktaryn jymqyryp, paıda kórmek bolǵan Aqmola oblysynyń úsh turǵynyn qolǵa túsirdi, dep habarlaıdy «QazAqparat» HAA tilshisi Astana qalasynyń ІІD baspasóz qyzmetine silteme jasap.
Urlyq oqıǵasy 2 jeltoqsan kúni saǵat túngi 03:00 shamasynda tirkelgen.
«Aqmola oblysynyń 20, 33 jáne 58 jastaǵy úsh turǵyny urlanǵan lıýktardy metall qabyldaıtyn pýnktke ótkizbek bolǵan jerinen qolǵa tústi. Almaty aýdandyq ІІB-da atalǵan jaǵdaıǵa qatysty QR QK-niń 188-baby (urlyq) boıynsha qylmystyq is qozǵady», - dep habarlaıdy vedomstvonyń baspasóz qyzmetinen.
Tergeý barysynda ustalǵan adamdardan 14 káriz lıýgy tárkilengen. Qazirgi ýaqytta quqyq qorǵaýshylar kúdiktilerdiń ózge qylmystarǵa qatysy bar-joǵy anyqtalyp jatyr.
Aıta ketsek, búgingi tańda Astana qalasynyń ІІD-de qajetti qujattarsyz metall qabyldaıtyn pýnkterdi tekseretin jáne káriz lıýktaryn, qara jáne tústi metalldyń urlanýynyń aldyn alýǵa baǵyttalǵan arnaıy top jumys júrgizip jatyr.
