Astanada kardıohırýrgtardyń birinshi ulttyq kongresi óz jumysyn bastady
ASTANA. 2 qyrkúıek. QazAqparat - Búgin Astanada kardıohırýrgtardyń birinshi ulttyq kongresi óz jumysyn bastady. Kongreske AQSh, Germanııa, Izraıl, Chehııa, Túrkııa, Lıtva, Reseı jáne basqa da elderiniń tanymal kardıologtary qatysýda.
Jıyn barysynda kardıologııa, kardıohırýrgııa, ınterventsıondyq kardıologııa, arıtmologııa, ıadrolyq medıtsına, meıirbıke isi salalary boıynsha plenarlyq otyrys ótkizý josparlanǵan. Budan bólek, kardıohırýrgııa, balalar kardıohırýrgııasy men ıadrolyq medıtsına, kardıologııa jáne saýyqtyrý, meıirbıke isi boıynsha sektsııalar jumys istemek.
Kongresti ashý barysynda Densaýlyq saqtaý vıtse mınıstri Erik Baıjúnisov búgingi tańda qazaqstandyq kardıohırýrgtar álemdik standarttar boıynsha jumystar atqaryp jatqanyn, sondaı-aq tek álemniń tańdaýly elderinde ǵana júzege asyrylatyn júrektiń jasandy ımplantatsııasy boıynsha joǵary tehnologııalyq biregeı otalardy qazaqstandyq mamandar da júrgizip kele jatqanyn atap ótti. «Osylaısha, Ulttyq ǵylymı kardıohırýrgııalyq ortalyqta tuńǵysh ret júzege asqan operatsııanyń arqasynda Qazaqstan osyndaı joǵary tehnologııaly biregeı operatsııalardy jasaıtyn álemniń 22 eliniń qataryna enip otyr. Sonymen qatar, ótken tamyz aıynda ǵana Astanada donor júregin almastyryp salý boıynsha da kúrdeli operatsııa sátti ótti. Bul da bizdiń mamandarymyzdyń halyqaralyq deńgeıdegi biliktiligin tanytady», dedi vıtse mınıstr.
Toqtala ketetin jaıt, ulttyq kongress jumysy qyrkúıektiń altysyna deıin jalǵasady. Al onyń aıasynda 4-6 qyrkúıek aralyǵynda UǴKO bazasynda Eýropa kardıo-torakaldyq hırýrgııa qaýymdastyǵy aıasynda sheberlik synyptary ótetin bolady.
Toqtala ketetin jaıt, Qazaqstan TMD sheńberinde jurtshylyqqa kardıohırýrgııalyq kómekter keshenin biryńǵaı júzege asyryp jatqan memleket bolyp tabylady.
