Astanada qarbalas ýaqytta júk kólikteriniń júrýine shekteý qoıylady
ASTANA. QazAqparat - Elorda ákimdigi tańerteńgi jáne keshki qarbalas ýaqyttarda júk kóligi qozǵalysyna shekteý engizedi, dep habarlaıdy QazAqparat ákimdik saıtyna silteme jasap.
Mundaı sheshimdi qabyldaýǵa elordadaǵy kólik aǵynyń jalpy jyldamdyǵynyń tómendeýine júk kólikteriniń áseri sebep boldy. Búgingi tańda qalanyń aýmaǵynda 220-dan astam qurylys ýchaskeleri jumys isteýde, olardyń bárine júk tehnıkasy qyzmet kórsetedi. Sondaı-aq, júk mashınalary jyldamdyǵynyń, olardyń manevr jasaý baıaýlyǵy men kóleminiń úlkendigi sııaqty faktorlar joldarda apattyq-qaýipti jaǵdaılar týdyrýy múmkin.
Shekteý 14 mamyrda jumys kúnderi saǵat 07.00-den 09.00-ge deıin jáne 17.30-dan 20.00-ge deıin avtomobıl joldary shekaralarynyń aımaǵynda salmaǵy 3,5 tonnadan artyq júk kólikteriniń qozǵalysyna engiziledi. Ol 31 jeltoqsanǵa deıin qoıylyp otyr.
Elorda ákimdigi mundaı shekteýdi EKSPO-2017 kórmesin ótkizý kezinde qoldandy. Ol kezde qalanyń belgili bir ýchaskelerine júk kóliginiń kirýine saǵat 6:00-den 23:00-ge deıin shekteý qoıylǵan bolatyn.
Júk qozǵalysyna shekteý bekitilgen sulbaǵa sáıkes qala ishindegi belgilengen 18 ýchaskege qatysty bolady.
