Astanada karate-dodan Azııa chempıonaty ótedi
ASTANA. QazAqparat - 13-16 shilde aralyǵynda Astanadaǵy «Dáýlet» sport kesheninde karate-do sportynan eresekter arasynda 14-shi, kadetter men jasóspirimder arasynda 16-shy Azııa chempıonaty ótedi, dep habarlaıdy «QazAqparat» HAA tilshisi.
Chempıonattyń ótkizilýine Azııa karate-do federatsııasy (AKF) men «QR karate-do federatsııasy odaǵy» ZTB, QR Mádenıet jáne sport mınıstrligi qoldaý bildirýde.
13 shilde kúni (saǵat 11:00) jalaýy jelbireıtin dodaǵa Azııa óńiriniń 37 elinen myńǵa jýyq sportshy keletini kútilýde. Olar 70-ten astam medal jıyntyǵyn sarapqa salady.
Eske sala ketsek, karate-do - Japonııadan shyqqan ejelgi jaýyngerlik óner. Karate-do Halyqaralyq olımpıada komıtetiniń 2016 jyldyń 20 tamyzyndaǵy sheshimimen 2020 jylǵy Tokıodaǵy Olımpıada oıyndarynyń baǵdarlamasyna engizildi.
Aıan Bekenuly
