Astanada «Qaraótkel-2011» respýblıkalyq jármeńkesi ótedi
ASTANA. 20 shilde. QazAqparat - Ústimizdegi jyldyń 30-31 shildesinde Astanada, «Metro» saýda ortalyǵynyń aýmaǵynda, QR Aýyl sharýashylyǵy mınıstrligi, Astana qalasy ákimshiligi, «QazAgro» ulttyq basqarýshy holdıngi» AQ
resmı qoldaýymen osymen besinshi ret Qazaqstannyń agroónerkásiptik kesheni jetistikteriniń «Qaraótkel-2011» respýblıkalyq jármeńkesi ótedi, dep habarlady «Qazagromarketıng» AQ baspasóz qyzmeti. Jyl saıyn Qazaqstannyń barlyq oblys ókilderi Astana turǵyndary men qonaqtaryna óz taýarlaryn usynady. Jármeńkege qatysýshylardyń arasynda - aýyl sharýashylyǵy ónimderin óńdeýshi kásiporyndar; mal, tehnıka jáne qural-jabdyq satýshylar; iri aýyl sharýashylyǵy kásiporyndarynyń jetekshileri; Qazaqstan men sheteldik ǵylymı jáne isker qaýymdastyq ókilderi.
Jármeńkeniń basty mindetteri: aýyl sharýashylyǵy ónimderiniń básekelestikke qabilettiligin arttyrý; aýyl sharýashylyǵy taýarlary/qyzmetterin saýda-sattyq uıymdastyrý, sonymen qatar agrarlyq naryq qatysýshylarynyń aldyn-ala kelisim-shart jasasýy jolymen tutynýshylarǵa jetkizý; AÓK salasynda jańa tehnologııalardy engizý; agrobıznes qatysýshylarynyń tájirıbe almasýy; iskerlik baılanystardy: aımaqtyq, aımaqaralyq jáne syrtqyekonomıkalyq sharýashylyq qarym-qatynastardy damytý; halyq qolóneri úlgilerin kórsetý bolyp tabylady.
Jármeńke aıasynda mal sharýashylyǵy jáne aýyl sharýashylyǵy ónimderin óńdeý salasyndaǵy ǵylymı jetistikter (genetıka, azyqtandyrý ratsıondary, mal ustaý jáne ózge); sheteldik AÓK salasyndaǵy úzdik praktıkalyq tájirıbesi taqyryptary boıynsha oqytý semınarlary ótkiziledi:
«Qaraótkel-2011» jármeńkesi aıasynda II Halyqaralyq «KazMeat&Milk-2011» mal sharýashylyǵy forýmy ótedi.
Sonymen qatar jármeńke aıasynda QR AShM ókilderi jáne táýelsiz sarapshylar tarapynan úzdik aýyl sharýashylyǵy taýar óndirýshileri anyqtalady. Jármeńkege qatysýshylardyń úzdigi uıymdastyrý komıssııasynyń atynan «Qaraótkel-2011» altyn medalimen marapattalatyn bolady.
Sóıtip, jármeńke sarapshylardyń, agrokásiporyndardyń tájirıbe almasýyna múmkindik berip, aýyl sharýashylyǵy ónimderiniń básekelestikke qabilettiligin arttyrýǵa, óndirýshiler men saýda jelileriniń iskerlik baılanystaryn ornatýǵa áser etedi.
