Astanada qaraqshylyq jolmen túngi klýb ıesiniń múlkin ıemdenbek bolǵan qylmystyq top áshkerelendi

Bul týraly búgin Astana qalasynyń ІІD Uıymdasqan qylmysqa qarsy kúres basqarmasy bastyǵynyń orynbasary Sáken Alaýhanov málim etti.

Polıtsııaǵa kásipker azamatshanyń joǵalýy týraly shuǵyl aqparatty onyń balasy úıdiń janyndaǵy anasynyń tastap ketken kóligin kórip habarlaǵan. «Bir táýlik ishinde polıtsııa qyzmetkerleri jábirlenýshini ustap otyrǵan páterdiń meken-jaıyn anyqtady jáne atalmysh qylmystyq topty quryqtady»,-dep atap kórsetti ol.

Qylmystyq toptyń basshysy elordada ýaqytsha turatyn, buryndary sotty bolǵan 33 jastaǵy azamat. Al eki sybaılasy Qaraǵandy qalasynda onymen birge jazalaryn ótegender.

Aǵymdaǵy jyldyń aqpan aıynda olar Astanadaǵy túngi klýbtardyń biriniń ıesimen tanysyp, onyń senimine kirip, keıin onyń jeke múlkin jáne aqshasyn ıemdený maqsatynda ony urlap áketken.

Qylmyskerler kásipkerdi soqqyǵa jyǵyp, otbasy múshelerin óltiretindikterin aıtyp qorqytady. «Olar áıeldiń jeke menshigindegi múlikterden bas tartý týraly qujattardy notarıaldy túrde rásimdeýge májbúrleıdi»,-deıdi S. Alaýhanov.

«Biz ony taýyp alǵan kezde jábirlenýshiniń birneshe qabyrǵasy synǵan, betinde jáne denesinde aýyr jaraqattar boldy. Oǵan tipti polıtseıler suraqtaryna jaýap qaıyrýǵa qıyn boldy»,-dedi ol.

Jábirlenýshiniń qarjylyq jaǵdaıy jetkilikti dárejede joǵary bolǵan, onyń qymbat kóligi, aqshasy, altyn áshekeıleri jáne Qaraǵandy qalasynda 3 bólmeli páteri bolǵan. Ol Astana qalasynda uzaq ýaqyt boıy kásipkerlikpen aınalysqan.

S. Alaýhanovtyń aıtýynsha, top basshysy jábirlenýshiniń senimine kirý úshin birneshe aı boıy oǵan jyly iltıpat kórsetip kelgen. 37 jastaǵy kásipker áıel turmysta bolmaǵan.