Astanada qaraqshylyq uıymdastyrǵan qylmystyq top ókilderi Almaty men Kókshetaýda qolǵa tústi
ASTANA. Shildeniń 13-i. QazAqparat /Aıdar Ospanalıev/ - Astana qalasynyń tártip saqshylary maýsym aıynda Kókshetaý men Almaty qalalarynan elordamyzdaǵy mekemelerge birneshe qaraqshylyq shabýyl uıymdastyrǵan qylmystyq top múshelerin qolǵa túsirdi. Bul týraly búgin jýrnalıstermen bolǵan baspasóz-máslıhatynda Іshki ister departamentiniń Memlekettik til jáne aqparat bóliminiń bastyǵy Nurdildá Oraz málim etti.
Onyń aıtýynsha, 21 jáne 27 jastaǵy Soltústik Qazaqstan oblysynyń azamattary qaladaǵy mekemeler men fırmalarǵa qarýlanǵan shabýyl jasap, kúzetshini qorqytyp, seıftegi qarjylardy tonap ketip
otyrǵan. «Qazirgi atalmysh top ókilderinń 3 tonaý 1 urlyq áreketine qatystylyǵy dáleldenip, olar keltirgen shyǵyn 5 mıllıon teńgeni qurady. Aıta keter másele qaraqshylarynyń nazaryna ilikken mekemelerdiń barlyǵy qaýipsizdik sharalarynan jurdaı bolyp shyqty. Naqtyraq aıtqanda, bul nysandarda ne dybys dabyly, ne esik terezelerinde temir qorshaýlar bolmaǵan. Tekserýler barysynda qylmyskerlerdiń denege zaqym keltiretin «Osa» tapanshasyn qoldanǵandyqtary anyqtaldy. Kúdikti eki azamat ýaqytsha ustaý oqshaýlaǵyshyna qamalyp, qylmystyq topqa qatysy bolýy múmkin ózge azamattar izdestirilýde», dedi bólim bastyǵy.
