Astanada qaraqshylar toby 22 jastaǵy jigittiń qymbat kóligin tartyp aldy
ASTANA. 1 naýryz. QazAqparat - 27 aqpanda Astana qalalyq ІІD «Saryarqa» aýdandyq Іshki ister basqarmasyna elordanyń 22 jastaǵy turǵyny belgisiz bireýler quny 8 mln. teńge turatyn «Toıota Land Krýzer 200» kóligin urlap ketkeni jóninde shaǵymdandy.
Tekserý barysynda anyqtalǵandaı, jábirlenýshi kóligin satpaq bolyp, satyp alýshymen kezdesýge kelisken. Belgilengen jerge kelgennen keıin, kólikti alýǵa nıetti jigitpen kezdesedi. Satyp alýshy óz kezeginde kólikke tehnıkalyq tekserý jasaý kerek degen jeleýmen jábirlenýshini tehnıkalyq tekserý stansasyna alyp barady.
Onda kólikti jabyq boksqa kirgizgen. Al olarmen ilese kirgen belgisiz adamdar avtonyń ıesin soqqyǵa jyǵyp, baılap tastaıdy da, «Land Krýzerge» otyryp kete barady.
Baılaýdan bosaǵannan keıin jábirlenýshi polıtsııaǵa kelip, mán-jaıdy habarlady.
Jedel-izdestirý sharalarynyń barysynda polıtsııa qyzmetkerleri birneshe saǵattan keıin kólikti minip ketken kúdikti adamdardy quryqtady. Anyqtalǵandaı, atalǵan qylmysqa 8 adam qatysqan jáne olardyń basym kópshiligi buryndary iste bolǵan. Qazirgi kezde ustalǵandar qylmystaryn moıyndady. Qozǵalǵan qylmystyq is boıynsha tergeý amaldary júrgizilýde.
