Astanada Qaraǵandy jáne Jambyl oblystarynyń aýylsharýashylyq jármeńkesi ótedi
ASTANA. QazAqparat - 26-27 tamyzda «Qazaqstan» SS turaǵy aýmaǵynda Qaraǵandy jáne Jambyl oblystarynyń aýylsharýashylyq ónimderin óndirýshileriniń jármeńkesi ótedi, dep habarlandy Astananyń resmı saıtynda .
70-ten astam shatyrshalarda 525 tonna aýylsharýashylyq ónimderi saýdalanady, onyń ishinde 77 tonna ettiń barlyq túrleri, 23 tonna sút ónimderi, 9 tonna shujyq ónimderi, 10 tonna kúrish jáne qaraqumyq jarmasy, 20 tonna qant, 371 tonna jemis-jıdekter men kókónister.
Jármeńkege fermerlik sharýashylyqtar men óńdeýshi kásiporyndary, atap aıtar bolsaq, «Qaraǵandy Osetr» JShS, Qaraǵandy-Nan Korporatsııasy» JShS, «Nátıje Sút Fabrıkasy» JShS, «Evrazıan Fýds» JShS, «Bıdaı nan» JShS qatysady.
Shara ulttyq taǵamdar festıvalimen jalǵasady. Sonymen qatar elorda turǵyndary men qonaqtaryna kontserttik baǵdarlama usynylady.
