Astanada Qaraǵandy oblysy taýar óndirýshileriniń jármeńkesi ótip jatyr
ASTANA. QazAqparat - Búgin elordada «Han shatyr» SOO aldyndaǵy alańda kezekti aýylsharýashylyq jármeńkesi ótýde. Eki kún boıy Qaraǵandy oblysynyń taýar óndirýshileri elorda turǵyndaryna óz ónimderin usynady.
Jármeńkede kókónis, et jáne sút ónimderi, jumyrtqa, suıyq maı, bal, sondaı-aq, nan-toqash ónimderi men kondıterlik ónimder usynyldy. Bul ónimder naryq baǵasynan 15-20 paıyz arzan baǵamen satylýda jáne tutynýshylardyń suranysyna ıe. Taýar óndirýshiler jalpy somasy 149,7 mln. teńgeni quraıtyn 850 tonnaǵa jýyq ónim ákeldi.
Qaraǵandy oblysynyń Aýyl sharýashylyq basqarmasynyń basshysy Baýyrjan Asanovtyń aıtýynsha, jármeńkede et jáne etten jasalǵan ónimder - 45 tonna, sút ónimderi - 8 tonna, 300 myńǵa jýyq jumyrtqa, 230 tonnadaı kartop, 160 tonna kókónister men baqsha daqyldary usynyldy.
Sondaı-aq, jármeńkede oblystyń ártisteri men shyǵarmashylyq ujymdarynyń qatysýymen arnaıy kontserttik baǵdarlama uıymdastyryldy, dep habarlaıdy astana. kz.
