Astanada «Qara kıimdiler 3» fılminiń tusaýkeserine arnalǵan baspasóz máslıhaty ótedi
ASTANA. 18 mamyr. QazAqparat - 22 mamyr kúni Astana qalasynda Ulttyq baspasóz klýbynda kórkem fılmderdiń arasynda qazaq tiline alǵashqy bolyp dýblıajdanǵan «Qara kıimdiler 3» («Men in Black 3») fılminiń tusaýkeserine arnalǵan baspasóz-konferentsııasy ótkiziledi,
dep habarlady "Bolashaq" qaýymdastyǵynyń baspasóz qyzmeti.
Baspasóz máslıhatyna «Bolashaq» qaýymdastyǵy keńesiniń tóraǵasy Baýyrjan Baıbek, «MARWIN» kompanııasynyń ulttyq jobalar bóliminiń meńgerýshisi Nızamı Mamedov, dýblıaj rejısseri Áıgerim Ońalbek, dýblıaj akterleri Erjan Túsip pen Ýıll Smıttiń keıipkerin dybystaǵan Azamat Qanapııa qatysady.
Fılmniń premerasy 2012 jyldyń 24 mamyry kúni elimizdiń barlyq aımaqtarynda bir ýaqytta qazaq jáne orys tilderinde ótkiziledi. Fılmniń álemdik tanystyrlmynan bir kún buryn, 22 mamyr kúni Astana qalasynda saǵat 18:00-de Qazaqstannyń zııaly qaýymynyń, iskerlik jáne saıası toptar ókilderiniń qatysýymen «Qara kıimdiler 3» fılminiń aldyn-ala kórsetilimi ótkiziledi.
Jobany uıymdastyrýshylar: «Bolashaq» qaýymdastyǵy, «MARWIN» kompanııasy, «Samuryq-Qazyna» ulttyq ál-aýqat qory» AQ.
«Bolashaq» qaýymdastyǵy men «MARWIN» kompanııasy úshin «Qara kıimdiler 3» memlekettik tildiń qoldanys aıasyn arttyrý men gollıvýdtyq fılmderdi qazaq tiline kórkemdik dýblıajdaýǵa baǵyttalǵan ekinshi joba bolmaq. Bul baǵyttaǵy jumysqa Walt Disney stýdııasynyń 2011 jyly qazaq tiline dýblıajdanǵan «Kólikter 2» («Cars 2») mýltfılmi bastamasy boldy.
