Astanada qar jınamaǵan 12 PIK-ke aıyppul salyndy
ASTANA. QazAqparat - Astana qalasynyń ІІD jergilikti polıtsııa qyzmeti elordanyń sanıtarlyq jaǵdaıyn jaqsartý maqsatynda qala aýmaǵyndaǵy qardy tazalaýdy baqylaý boıynsha reıd júrgizýde.
Qalada qar tazalaý jumystary jalǵasýda. Bul is tek kommýnaldyq sala qyzmetkerleriniń emes, kásipkerler men turǵyndardyń da moınynda. Olar qardy shahar syrtyna shyǵarýǵa mindetti emes. Ózine tıesili aýmaqty tazartsa jetkilikti. Qardyń der kezinde tazartylmaǵany úshin kásipkerler men turǵyndarǵa qomaqty aıyppul salynbaq. Onyń somasy QR Ákimshilik quqyq buzýshylyqtar týraly kodeksiniń 505-babyna sáıkes jeke tulǵalar úshin 20 AEK, al shaǵyn, orta jáne iri kásipkerlik sýbektileri úshin 30-dan 100 AEK mólsherinde aıyppul salynady.
2017 jyl bastalǵaly Astanada tıisti aýmaqtaǵy qardy tazalamaǵandary úshin 12 PIK ákimshilik jaýapkershilikke tartyldy, dep jazady astana.gov.kz. Aıyppuldyń jalpy kólemi - 567 250 teńge. 2016 jyly jaýapty aýmaqty qatty turmystyq qaldyqtar, qurylys qoqystary jáne qardan tazartý jumystaryn tıisti deńgeıde júrgizbegenderi, sondaı-aq ǵımarattardyń syrtqy betine beıjaı qarap, kireberiske habarlandyrý taqtaıshalaryn qoımaǵany úshin 189 PIK-ke aıyppul salyndy. Onyń jalpy somasy - 7 762 860 teńge, dep habarlady Astana qalasynyń ishki ister departamentinen.
