Astanada qar jaýyp tur
ASTANA. 4 qazan. QazAqparat - Astanada búgin qar jaýdy. Sınoptıkter osyndaı aýa raıy respýblıkanyń barlyq soltústik aımaǵynda bolady dep otyr - jańbyr sońy qarǵa ulasady,
dep habarlady QR TJM baspasóz qyzmetinen «Qazgıdromet» RMK-ǵa silteme jasaı otyryp.
Qazaqstannyń kóp bóliginde atmosferalyq aǵyndardyń ótýine baılanysty keı jerlerde jańbyr jaýyp, jel kúsheıedi. Tek respýblıkanyń ońtústik shyǵysynda jaýyn-shashynsyz aýa raıy saqtalady.
Aqmola, Atyraý, Batys Qazaqstan, Qostanaı, Aqtóbe oblystarynda, kúndiz Jambyl, Qaraǵandy, Shyǵys Qazaqstan oblystarynda keı jerlerde jeldiń ekpini sekýndyna 17-22 metrge deıin jetedi. Qostanaı oblysynda túnde jáne tańerteń tuman túsedi. Kúndiz Almaty oblysy Alakól kóli mańynda jel sekýndyna 15-20 metrge deıin kóteriledi.
Eldiń ońtústiginde, ońtústik batysynda, ońtústik shyǵysynda keı jerlerde jáne respýblıkanyń ortalyǵynda joǵary órt qaýipsizdigi saqtalady.
